მინსკში გამრთულ მორიგ მასობრივ გამოსვლებს ლუკაშენკოს სპეცრაზმა უმკაცრესად და მრისხანედ უპასუხა. ამჯერად პროტესტანტების დასაშლელად მათ ცრემლსადენი გაზი და შუქბგერითი ყუმბარები გამოიყენეს. სვეტლანა ტიხანოვსკაიას განცხადებით, არიან დაშავებულებიც.
აღსანიშნავია, რომ 12 ნოემბერს მინსკის საავადმყოფოში გარდაიცვალა ბელარუსის 31 წლის მოქალაქე რომან ბონდარენკო, რომელიც პოლიციამ სასტიკად სცემა.
ბელარუსში კვირას გამართული საპროტესტო აქციების დროს სამართალდამცავებმა 1100-ზე მეტი პირი დააკავეს. ინფორმაციას ადამიანის უფლებების დაცვის ცენტრი „ვიესნა“ ავრცელებს.
ცენტრის ვებ-გვერდზე გამოქვეყნებულია დაკავებული პირების სია და აღნიშნულია, რომ დემონსტრანტები მინსკის გარდა ნოვოგრუდოკში, ბობრუისკში, ვიტებსკიში, გომელსა და სვეტლოგორსკშიც დააკავეს.
ცნობისთვის, ბელარუსში საპროტესტო აქციები 9 აგვისტოს საპრეზიდენტო არჩევნების შემდეგ არ წყდება. მოსახლეობის ნაწილი და ოპოზიცია არჩევნების ოფიციალურ შედეგებს არ აღიარებს და ალექსანდრე ლუკაშენკოს გადადგომას მოითხოვს.