ბოლო 400 წლის განმავლობაში ასეთი ზომის ასტეროიდი დედამიწას პირველად უახლოვდება

„NASA"-ს მიერ გავრცელებული ინფორმაციით, გიგანტური კოსმოსური სხეული დედამიწასთან მაქსიმალურად ახლოს დღეს ღამე იქნება. ის დედამიწას დაახლოებით 1.1 მილიონი მილით, 1.8 მილიონი კილომეტრით მოუახლოვდება. ეს მანძილი 4-ჯერ მეტია დედამიწასა და მთვარეს შორის დისტანციაზე.ასტეროიდი „2014 ჯეი ოუ-25" 33 მ/წმ-ში სიჩქარით მოძრაობს. მისი დიამეტრი ერთ-ნახევარ კილომეტრს შეადგენს. ამ მოვლენაზე დაკვირვება სამოყვარულო ტელესკოპის საშუალებით იქნება შესაძლებელი. ამერიკული კოსმოსური სააგენტოს ცნობით, არ არსებობს შანსი,რომ ასტეროიდი დედამიწას დაეჯახოს.„NASA"-ს ინფორმაციით, ეს უპრეცედენტო შემთხვევაა.ასეთი ზომის ასტეროიდი დედამიწას ამ მანძილზე ბოლო 400 წლის განმავლობაში პირველად უახლოვდება და მომდევნო 500 წელშიც არ არის ნავარაუდევი.მიუხედავად იმისა, რომ ციური სხეულის ტრაექტორია კარგად არის შესწავლილი, ასტეროიდის ფიზიკური თვისებების შესახებ დაწვრილებითი ინფორმაცია არ არსებობს.კოსმოსური სააგენტოს ინფორმაციით, პატარა ასტეროიდები ამ მანძილს კვირაში რამდენჯერმე გადიან, თუმცა ამ ზომის ასტეროიდისთვის ეს პირველი შემთხვევაა. 2004 წელს ასტეროიდმა „toutatis"-მა დედამიწას დაახლოებით 5 კილომეტრის მანძილზე ჩაუარა, თუმცა ის ზომით გაცილებით პატარა იყო.ასტეროიდის შემდეგი მოახლოვება 2027 წელს არის ნავარაუდევი, როდესაც „1999 AN 10" დედამიწას 380 ათასი კილომეტრის დისტანციაზე ჩაუვლის.

ბოლო 400 წლის განმავლობაში ასეთი ზომის ასტეროიდი დედამიწას პირველად უახლოვდება

სიახლეები

აფეთქება ახალციხეში – ოთხი ადამიანი დაშავდა

ნაცნობ კაცს დანით სახე დაუსერა და მიიმალა – პირი დაკავებულია

პირი, რომელმაც ვაშლიჯვარში სროლის დროს ორი ადამიანი დაჭრა, დააკავეს

რუსებმა გასული 24 საათის განმავლობაში უკრაინაში 1,190 ჯარისკაცი დაკარგეს