ლეგენდარულ ტელეწამყვანს ჟანეტა არჩვაძეს, რომელთანაც პირველი ქართული ტეელვიზიის მრავალწლიანი ისტორია და ათეულობით გადაცემაა დაკავშირებული, დღეს, 14:00 საათზე დაკრძალავენ.
იგი 87 წლის ასაკში, 14 აპრილს საკუთარ სახლში გარდაიცვალა გულის უკმარისობით.
საქართველოს სახალხო არტისტი ჟანეტა არჩვაძე “პირველ არხზე” მისი დაარსების დღიდან მუშაობდა და წლების განმავლობაში მიჰყავდა როგორც საინფორმაციო პროგრამა „მოამბე“, ისე
მხატვრული, შემეცნებითი და საბავშვო გადაცემები
2014 წელს მრავალწლიანი დამსახურებისთვის პირველი ტელევიზიის პირველი თაობის ერთ-ერთ ლეგენდარულ წამყვანს მთაწმინდის სატელევიზიო ანძასთან მისი სახელობის ვარსკვლავი გაუხსნეს.
ტელერადიოკომპანია ,,ოდიში'' უერთდება სიმძიმილს, რომლითაც ქართული ტელესამყარო ეთხოვება ცისფერი ეკრანის ერთერთ უხუცეს ვარსკვლავსა და პირველმკვალავს.