საარჩევნო უბნებზე ოქმების შეწორება და დისბალანსი არჩევნების შედეგებზე გავლენას ვერ მოახდენს, – ამის შესახებ ჟურნალისტებს ზუგდიდის 67-ე საოლქო საარჩევნო კომისიის თავმჯდომარე მირანდა მესხმა განუცხადა. ასევე კითხვაზე, რამდენი ბიულეტენი გაბათილდა და საერთო ჯამში რამდენია მათი რიცხვი, მესხმა გვიპასუხა, რომ საბოლოო  მონაცემები არა აქვს. რაც შეეხება გუშინდელ შემთხვევას, როცა ზუგდიდის საოლქოში ჟურნალისტები არ დაუშვეს, მირანდა მესხმა განაცხადა, რომ ეს  არის ისეთი შემთხვევა, როცა სამუშაო პროცესია და საოლქო კომისიას  აქვს უფლებამოსილება და ეს არ არის დაკვირვების პროცესი.

ზუგდიდის 67-ე  საოლქო საარჩევნო კომისიაში, სადაც საუბნო კომისიის წევრები და თავმჯდომარეები იყვნენ შეკრებილი და გადასწორებული ბიულეტენების საკითხს არკვევდნენ, მედიას და დამკვირვებლებს დასწრების საშუალება არ მისცეს.

დღეს საოლქო კომისიაში საჩივრების განხილვის მეორე დღეა, სულ მესხის თქმით, შესულია 23 საჩივარი და ნაწილი უკვე განხილულია. 46-ე უბანზე გადასატანი ყუთის ბიულეტენებს ხელახლა გადაითვლის. ასევე ცნობილია, რომ ზუგდიდში მაჟორიტარული არჩევნების მეორე ტური გაიმართება “ქართული ოცნებისა” და “ერთიანი ნაციონალური მოძრაობის” კანდიდატებს შორის.

მაჟორიტარული: ირაკლი ჩიქოვანი (ქართული ოცნება) – 48, 20%, მალხაზ ჯალაღონია(ენმ) – 36, 96%, გიგი უგულავა (ევროპული საქართველო) – 7, 23%.

პროპორციული: “ქართული ოცნება” – 46, 47%, ენმ – 38, 48%,

“ევროპული საქართველო” – 4, 29%. რაც შეეხება საბოლოო მონაცემებს, მირანდა მესხის თქმთ, ის 10 დღეში გამოქვეყნდება.