არჩევნების წინასწარ შედეგების მიხედვით ზუგდიდში მმართველი პარტიის კანდიდატს ირაკლი ჩიქოვანს ყველა სხვა კანდიდატზე მეტი პროცენტული მაჩვენებლი აქვს, თუმცა ეს არ არის საკმარისი და აქ მეორე ტური უნდა ჩატარდეს. მმართველი გუნდი მეორე ტურში გამარჯვების გარდაუვალობაზე საუბრობს. თავად ჩიქოვანი მედიასთან არ გამოჩენილა, კომენტარი შტაბის ხელმძღვანელმა და ქალაქის მერმა გეგა შენგელიამ გააკეთა.
„მეორე ტურში დამაჯერებელ გამარჯვებას მივაღწევთ და ჩვენი კანდიდატის ირაკლი ჩიქოვანის სახით საქართველოს პარლამენტში ზუგდიდელებს ძალიან ღირსეული ხმა ეყოლება“, – განაცხადა შენგელიამ