ზუგდიდში, ქუჯის ქუჩაზე, ამ შენობაში აფხაზეთიდან დევნილი 4 ოჯახი თითქმის 20 წელია ცხოვრობს. მათი საცხოვრებელი პირობები უმძიმესია – თითქმის დანგრეული შენობა, მორღვეული კედლები, დაშლილი სახურავი, საიდანაც წვიმის დროს წყალი დევნილთა საცხოვრებელ ოთახებში ჩამოდის, აყრილი იატაკი, რომელზეც მოძროაობა საშიშიცაა. აქ მცხოვრები დევნილები ამბობენ, რომ მიუხედავად მათი მოთხოვნისა, ყურადღებას არავინ აქცევს. მიმართეს დევნილთა სამინისტროს ბინებით დაკმაყოფილებაზეც, თუმცა პასუხად უარი მიიღეს, მიზეზად არასაკმარისი ქულები დაუსახელეს.დევნილების მთავარი მოთხოვნაა, მოხდეს სასწრაფოდ მათი გაყვანა აღნიშნული შენობიდან, რადგან კორპუსი ავარიულია და მათი თქმით, ცხოვრებაც საშიშია. დევნილთა სამმართველოში პასუხად ამბობენ, რომ ოთხივე ოჯახმა ბინით დაკმაყოფილებაზე შესაბამისი ქულები ვერ დააგროვა.თუმცა, ზუგდიდის დევნილთა სამმართველოს ხელმძღვანელის მანუჩარ ჩილაჩავას განცხადებით, უწყება მათ დაეხმარება სამხარაულის ექსპერტიზის დასკვნის მომზადებაში.აფხაზეთიდან იძულებით გადადგილებული პირები ახლა ხელისუფლების დახმარების იმედად არიან
ქუჯის ქუჩაზე მცხოვრები დევნილი 4 ოჯახი სიცოცხლისთვის საშიშ პირობებში ცხოვრობს (video)
Published on