“დაუპიპინე ბიძინას” – “ევროპული საქართველო” დღეს თბილისსა და რეგიონებში ავტომობილებით აქციას მართავს. აქციის ფარგლებში ოპოზიციური პარტიის წევრებისა და მათი მხარდამჭერების ავტოკოლონა ზუგდიდიდან თბილისისკენ უკვე დაიძრა.
საავტომობილო კოლონა პარტიის ადგილობრივი შტაბიდან სამანქანო სიგნალების თანხლებით დაიძრა და დღის ბოლოს ბიძინა ივანიშვილის რეზიდენციასთან შეიკრიბებიან . მათი თქმით, აქციის მიზანია, “ქართული ოცნების” ლიდერს შეახსენონ, რომ მისი მმართველობის პერიოდი დასრულებულია.
“ევროპული საქართველოს” მოწოდებას კახეთშიც შეუერთდნენ. აქციის ფარგლებში პარტიის წევრებმა და მხარდამჭერებმა გურჯაანის მუნიციპალიტეტის სოფლები მანქანებით და სიგნალით მოიარეს. რის შემდეგაც კოლონით თბილისისკენ გაემართნენ და ბიძინა ივანიშვილის რეზიდენციასთან დაგეგმილ აქციას შეუერთდებიან. მათი თქმით, ამ ფორმით კიდევ ერთხელ გააპროტესტებენ “ქართული ოცნების” 8 წლიან მმართველობას.