„ევროპული საქარველო მოძრაობა თავისუფლებისთვის“ წარმომადგენლებმა საჩივარი შეიტანეს ზუგდიდის N67 საარჩევნო ოლქში. მათი განცხადებით, „ქართული ოცნების“ მაჟორიტარობის კანდიდატი, ირაკლი ჩიქოვანი, მის საარჩევნო კამპანიაში იყენებს ადმინისტრაციულ რესურსს, კერძოდ, მისი შტაბის უფროსი გეგა შენგელია ინფრასტრუქტურულ პროექტებს ამთხვევს იმ სოფლებში, რომელ სოფლებშიც აკეთებს შეხვედრებს ირაკლი ჩიქოვანი.
ზუგდიდის N67 საარჩევნო ოლქის თავმჯდომარის, მირანდა მესხის განცხადებით, დღეს შემოვიდა საჩივარი, შესაბამისად ისინი მოიკვლევენ, შეისწავლიან და კანონით დადგენილ ვადებში მიიღებენ გადაწყვეტილებას. „ევროპული საქარველო მოძრაობა თავისუფლებისთვის“ შეტანილ საჩივარს თან ახლდა ფოტო მასალა.