პარტია “ლელო საქართველოსთვის” ზუგდიდის მაჟორიტარი დეპუტატობის კანდიდატმა ალექსანდრე ახვლედიანმა ბოტანიკურ ბაღში ბრიფინგი გამართა, თემით „წინასაარჩევნო ზეწოლები სკოლის დირექტორებზე“, სადაც განაცხადა, რომ ზუგდიდის რამდენიმე სკოლის დირექტორი პოლიტიკური ნიშნით გაათავისუფლეს. ახვლედიანის თქმით, პარტიას სწორედ დირექტორებმა მიმართეს, თუმცა ამ ეტაპზე მათ ვინაობის გასაჯაროება არ სურთ.
ზუგდიდის საგანმანათლებლო რესურსცენტრში აღნიშნულთან დაკავშირებით კომენტარს არ აკეთებენ და აცხადებენ, რომ ეს განათლების სამინისტროს პრეროგატივაა.