„ლელა წურწუმიას მეუღლე, პროდიუსერი კახა მამულაშვილი 15 000 ლარიანი გირაოს საფუძველზე გაათავისუფლეს“ – ამის შესახებ დაკავებულსი ადვოკატმა გიორგი ბეგიაშვილმა ჟურნალისტებს განიცხადა. ადვოკატის განცხადებით, მოსამართლემ ჩათვალა, რომ კახა მამულაშვილის პატიმრობაში ყოფნა აუცილებელი არ იყო. შეგახსენებთ, რომ კახა მამულაშვილი ნარკოტიკული საშუალებების უკანონო შეძენა-შენახვისა და საქართველოში უკანონოდ შემოტანის ბრალდებით სამართალდამცავებმა თბილისის საერთაშორისო აეროპორტში ორი თვის წინ დააკავეს. სამართალდამცველებმა დაკავებულის პირადი ჩხრეკის დროს ხელბარგიდან და პირადი საფულიდან ამოიღეს სხვადასხვა დასახელების ნარკოტიკული საშუალებები, კერძოდ, საქმეზე ჩატარებული ქიმიური ექსპერტიზის დასკვნის მიხედვით აღნიშნული ნარკოტიკული საშუალებებია: 5.591 გრ კოკაინი, 1,15 გრ კანაფის ფისი და მდმ ე.წ. "ექსტაზი" 0,2048 გრ. კახი მამულაშვილს ნარკოლოგიური შემოწმების შედეგად ნარკოტიკული საშუალება კოკაინის მოხმარების ფაქტი დაუდგინდა. გამოძიება ნარკოტიკული საშუალებების უკანონო შეძენა-შენახვისა და საქართველოში უკანონოდ შემოტანის ფაქტზე მიმდინარეობდა (საქართველოს სსკ-ის 260-ე მუხლის პირველი ნაწილით და სსკ-ის 262-ე მუხლის პირველი ნაწილით).