ყველა სამგზავრო მატარებელი, რომელიც აღმოსავლეთსა და დასავლეთს შორის მოძრაობს, ქუთაისის საერთაშორისო აეროპორტის ჭიშკრის წინ გაჩერდება – განაცხადა საქართველოს პრემიერ-მინისტრმა გიორგი კვირიკაშვილმა , ქუთაისის აეროპორტთან დამაკავშირებელი რკინიგზის მშენებლობის დაწყებასთან დაკავშირებულ ღონისძიებაზე, რომელიც გუშინ გაიმართა აეროპორტში .
პროექტი სულ რამდენიმე თვეში დასრულდება, რის შემდეგაც. ქუთაისის აეროპორტიდან მატარებლით შესაძლებელი იქნება საქართველოს ნებისმიერ კუთხეში მოხვედრა, ეს იქნება ზღვის თუ მთის კურორტები, მისი მომსახურებით ისარგებლებენ ევროპაში აწ უვე ვიზის გარეშე მიმავალი მგზავრები, აქ მათ მოემსახურება თანამედროვე კომფორტაბელური მატარებლები. რკინიგზის ბაქნიდან ტერმინალამდე სულ რამდენიმე ნაბიჯი იქნება გასავლელი.
”დღეს ჩვენ ვიწყებთ ძალიან მნიშვნელოვან პროექტს, ეს არის რკინიგზის და აეროპორტის ერთობლივი ფუნქციონირების პროექტი, რომელიც დღეიდან სულ რამოდენიმე თვეში ამოქმედდება. ქუთაისი ხდება ძალიან მნიშვნელოვანი ტურისტული, ლოგისტიკური სატრანსპორტი ცენტრი. ამ პროექტის შედეგად, საქართველოს ყველა წერტილი დაუკავშირდება ქუთაისს სულ ორიოდე საათის მგზავრობის მანძილით”, – განაცხადა პრემიერმა.