მომეცი შენი მჭადი, და მოგიტეხავ ცოტას- ასეთია წინასაარჩევნოდ ხალხისთვის იპოდრომის ტერიტორიის გადაცემის არსი: როგორც ირკვევა, ,,ტრიუკაჩმა ” ივანიშვილმა ,,უანგაროდ” ნაჩუქარი ერთი მწვანე ტერიტორიის სანაცვლოდ ორი მიიღო – თბილისის მერიამ დეველოპერულ კომპანიას ვარკეთილში 36 ჰექტარი, ხოლო გლდანში 38 ჰექტარი მიწის ნაკვეთი „გადაულოცა“. აღნიშნულ ტერიტორიაზე დადგეგმილია საცხოვრებელი კორპუსების აშენება, კომპანიას კი მიწა საჩუქრად, უფრო სწორად, სიმბოლურ ფასად – 1 ლარად გადაეცა.
აღნიშნულ ტერიტორიას თავდაპირველად სანიტარული ზონის სტატუსი ჰქონდა, შემდეგ რეკრეაციულ ზონად გადაიქცა, ახლა კი საცხოვრებელი ზონის სტატუსს მიიღებს. აქვე, გასათვალისწინებელია ის ფაქტიც, რომ საფრენ და წყლის დაცვის ზონაში მდებარეობს და საცხოვრებელი სახლების ან კორპუსების მშენებლობა დაუშვებელია.
საქმეს ისეთი პირი უჩანს, რომ საპრეზიდენტო არჩენებზე დარიგებული კარტოფილისა და ხახვის სანაცვლოდაც ივანიშვილი მალე ჰექტარობით სასოფლო-სამეურნეო სავარგულებს მოითხოვს, თუ, რასაკვირველია, უკვე არა აქვს მიღებული