სამოქალაქო მოძრაობა „ხმამ“ საბერიო-ფახულანის საოკუპაციო ზოლთან საქართველოს მოქალაქის ირაკლი ბებუას მხარდასაჭერი აქცია გამართა. აქციის მონაწილეების თქმით, რამდენიმე თვის წინ ისინი ამ ადგილა ს ქართველი ექიმის ვაჟა გაფრინდაშილის გათავისუფლების მოთხოვნით შეიკრიბნენ და დღეს იგივე მოთხოვნა აქვთ ირაკლი ბებუას მხარდასაჭერად.
შეგახსენებთ, რომ ოკუპირებულ გალის რაიონში, 30 სექტემბერს, „გამარჯვების დღისადმი“ მიძღვნილი ზეიმის დროს ე.წ. აფხაზეთის დროშის დაწვის გამო, საქართველოს მოქალაქე ირაკლი ბებუა დააკავეს.სოციალურ ქსელში გავრცელებულ ვიდეოში, რომელიც სავარაუდოდ დაკითხვის დროს არის გადაღებული, ბებუა ამბობს, რომ დროშა შეგნებულად დაწვა, თუმცა ეს არ იყო ვინმეს წინააღმდეგ მიმართული ქმედება. ბებუა გალის რაიონის წინასწარი დაკავების იზოლატორშია გადაყვანილი და ამ ეტაპზე 30- დღიანი პატიმრობა აქვს შეფარდებული. სახელმწიფო უსაფრთხოების სამსახური ოკუპირებულ გალის რაიონში აფხაზეთის ე.წ. რესპუბლიკის დროშის დაწვის მიზეზით დაკავებულ, ირაკლი ბებუას უპირობო გათავისუფლებას ითხოვს.