ოკუპირებული აფხაზეთის ე.წ. საზღვრის ორსანტია-ოტობაიას მონაკვეთზე დაკავებული სამი პირი, რომლებიც ერთი ოჯახის წევრები არიან, უკვე თავისუფალია. ამის შესახებ ინფორმაციას სახელმწიფო უსაფრთხოების სამსახურში ადასტურებენ.
ე.წ. მესაზღვრეებმა ოჯახის წევრები სამი კვირის წინ დააკავეს. არსებული ინფორმაციით, ოჯახის წევრები განმუხურიდან დაკრძალვაზე მიდიოდნენ, რა დროსაც ე.წ. მესაზღვრეებმა დააკავეს. ისინი წინასწარი დაკავების იზოლატორში გადაიყვანეს და წინასწარი პატიმრობა შეუფარდეს. დაკავებულებს ბრალად ედებოდათ ე.წ. „საზღვრის უკანონოდ გადაკვეთა“ .