წალენჯიხის მუნიციპალიტეტში, ჯვარი-ფოცხო-ეწერის მიმდებარე ტერიტორიაზე, გვიან ღამით ტყეში სანადიროდ წასული მეგობრებს შორის, ერთ-ერთი, 33 წლის ჯონი არქანია, გავრცელებული ინფორმაციით, ბრმა ტყვიამ იმსხვერპლა. შსს-ს ინფორმაციით, ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. უწყების ცნობით,დაკავებულია ერთი პირი. გარდაცვლილის ცხედარი ქუთაისის ექსპერტიზის ბიუროში გადაასვენეს.