ზუგდიდის ინფექციური საავადმყოფოს ლაბორატორიაში სამეგრელო-ზემო სვანეთის მასშტაბით გამოკვლეული 652 ნიმუშებიდან კორონავირუსის 15 ახალი შემთხვევა დადასტურდა. სამეგრელო-ზემო სვანეთის რეგიონის რწმუნებულის მოვალეობის შემსრულებლის, მალხაზ თორიას განცხადებით, 15 ინფიცირებულიდან 5 ზუგდიდში დადასტურებული შემთხვევის კონტაქტებია. 6 ოკუპირებულ აფხაზეთს, კერძოდ, სოფელ საბერიოს კლასტერს მიეკუთვნება. 3 სენაკში დადასტურებული შემთხვევის კონტაქტია. ხოლო ერთი ხობი.
ამასთანავე, თორიას განცხადებით, რუხის კლინიკაში მკურნალობის კურსს გადის 73 კოვიდინფიცირებული პაციენტი, აქედან 5-ის მდგომარეობა შედარებით მძიმეა. ხოლო 2 პაციენტი გამოჯანმრთელდა.
რეგიონის მასშტაბით სულ საკარანტინე სივრცში 176 ადამიანი რჩება, თვითიზოლაციაში კი 677 მოქალაქე იმყოფება.