სამეგრელო-ზემოს სვანეთის მასშტაბით ზუგდიდის ინფექციურ საავადმყოფოში 477 ნიმუშის კვლევა ჩატარდა. სამეგრელო-ზემო სვანეთის რეგიონის რწმუნებულის მოვალეობის შემსრულებლის, მალხაზ თორიას ინფორმაციით, სამეგრელო-ზემო სვანეთის მასშტაბით კორონავირუსი 13 ადამიანს დაუდასტურდა, საიდანაც 3 ზუგდიდში დადასტურებული შემთხვევის კონტაქტებია. ხოლო 6 ოკუპირებულ აფხაზეთს, კერძოდ, სოფელ საბერიოს კლასტერს მიეკუთვნება.
ამასთანავე, თორიას განცხადებით, რეგიონის მასშტაბით კოვიდინფიცირებულთა რაოდენობა 72 შეადგენს, საიდანაც 4 პაციენტის მდგომარეობა შედარებით მძიმეა. რაც შეეხება რუხის საავადმყოფოს, აქ 3 პაციენტი გამოჯანმრთელდა, საიდანაც ერთი სენაკის მაცხოვრებელია, ორი კი აფხაზეთის.
რეგიონის საკარანტინე სივრცეში 172 მოქალაქე რჩება.