იურიდიული დახმარების სამსახურმა ზუგდიდში ახალი ოფისი გახსნა, სადაც მოქალაქეებს უფასო სამართლებრივი დახმარება გაეწევათ. ოფისის გასხნის ცერემონიის შემდეგ სტუმრებმა ზუგდიდის ბოტანიკურ ბაღში გადაინაცვლეს, სადაც ღია ცის ქვეშ იურიდიული დახმარების სამსახურის 15 წლიანი ისტორიის ამსახველი ფოტო-გამოფენა მოეწყო.
სამსახურის დირექტორმა რაჟდენ კუპრაშვილმა მიმდინარე რეფორმებზე ისაუბრა, რომელიც იურიდიული დახმარების სამსახურში ხორციელდება და მიზნად ისახავს გაწეული უფასო სამართლებრივი დახმარების ხარისხის კიდევ უფრო გაუმჯობესებას.
ადვოკატთა ასოციაციის თავმჯდომარემ, დავით ასათიანმა როგორც ჩვენთან საუბარში განმარტა, უმნიშვნელოვანესია რეგიონებში კვალიფიციურ სამართლებრივ დახმარებაზე მოსახლეობისთვის ხელმისაწვდომობა.
დღესდღეობით, ქვეყნის მასშტაბით იურიდიული დახმარების სამსახურის 13 ბიურო და 25 საკონსულტაციო ცენტრი ფუნქციონირებს.
