ჩხოროწყუს მუნიციპალიუტეტში წუხელ გამთენიისას, ერთმანეთის მიყოლებით სამი ქურდობის ფაქტი დაფიქსირდა. ორი ქალაქის ცენტრში, ერთი კი ქვედა ჩხოროწყუში. ჩხოროწყუს ცენტრში, მშვიდობის ქუჩა 7-ში მდებარე სასურსათო მაღაზიის მეპატრონის ნოდარ ცირდავას თქმით, წუხელ დაახლოებით სამ საათზე მისი მაღაზიის კარები გატეხეს და სალაროდან წაიღეს 350-400 ლარის ოდენობით ხურდა ფული.
„9 საათზე ვნახე დილით, კარი იყო გატეხილი, სალაროდან იყო წაღებული ხურდა ფული, პროდუქტი წაღებული არ არის, ეგრევე გამოვიძახე პოლიცია და როგორ ც გავიგე, კვალზეც არიან უკვე გასულები, მაგრამ ჯერ არავინ დაუკავებიათ , ორჯერ ვიყავი დაკითხვაზე“- გვითხრა მან.
მისივე თქმით, გამთენიისას ასევე გაიქურდა ჩხოროწყუს ცენტრში მდებარე აფთიაქი, საიდანაც წაღებულია 250 ლარი და ქვედა ჩხოროწყუში მდებარე ბენზინგასამართი სადგურიდან დაახლოებით იგივე თანხა. შსს-ს ინფორმაციით აღნიშნულ ფაქტებთან დაკავშირებით მიმდინარეობს საგამოძიებო მოქმედებები