ზუგდიდის ინფექციურ საავადმყოფოში სამეგრელოს მასშტაბით გამოკვლეული 717 პირიდან კორონავირუსი 28 ადამიანს დაუდასტურდა. ინფორმაცია ჟურნალისტებს სამეგრელო-ზემო სვანეთის გუბერნიიდან აცნობეს. გუბერნატორის მოადგილის მალხაზ თორიას ინფორმაციით, ყველა მათგანი ოკუპირებულ აფხაზეთში, გალის რაიონის სოფელ საბერიოში ცხოვრობს. ისინი ამჟამად ოკუპირებულ ტერიტორიაზე იმყოფებიან. კოვიდინფიცირებული პირები ენგურჰესის თანამშრომლები არიან და ზუგდიდში შეხება არ ქონიათ. მალხაზ თორიას ინფორმაციით, მოხდება ინფიცირებულების ტრანსპორტირება და ისინი სხვადასხვა საავადმყოფოებში განთავსდებიან.

გუშინ ზუგდიდის ინფექციურ საავადმყოფოში ზუგდიდის რაიონიდან 253 ნიმუში გაიტესტა,  საიდანაც   82 საბერიოდან იყო . მათ შორის ცხელების ცენტრის 8 პაციენტი , მედპერსონალის  140 წარმომადგენელი, საკარანტინო სივრციდან 5, თვითიზოლაციიდან 4, შსს-ს  11 თანამშრომელი, ეპიდკერაში მყოფი პირი 2 პირი, დიალიზზე მყოფი 1 პირი, დადასტურებული შემთხვევის კონტაქტები საბერიოდან  82. შედეგები საბერიოს კონტაქტებიდან 28 დადებითია, დანარჩენი უარყოფითია. ერთი პაციენტი რუხის კლინიკიდან ორჯერადი უარყოფითი შედეგით გამოჯანმრთელდა, ერთი პაციენტი შუალედურად  გაიტესტა და ისიც  უარყოფითია