ზუგდიდში, “ლელოს” მაჟორიტარი დეპუტატობის კანდიდატის წარდგენაზე დაპირისპირება მოხდა. მამუკა ხაზარაძესა და მის თანაპარტიელებს რამდენიმე ადგილობრივი დახვდა. როგორც ისინი ამბობენ, ეროვნულ მოძრაობას წარმოადგენენ და მამუკა ხაზარაძე, მათი მტკიცებით, ზვიად გამსახურდიასა და მერაბ კოსტავას ებრძოდა. ასევე მათ ხაზარაძესთან, როგორც ბანკირთან ჰქონდათ პრეტენზიები.”ლელოს” წარმომადგენლებმა მათ რუსული ნარატივის გამტარებლები უწოდეს. ინციდენტი ღონისძიების დაწყებამდე მოხდა, ადგილზე სამართალდამცავები იმყოფებოდნენ.ლელო საქართველოსთვის მაჟორიტარობის კანდიდატი ზუგდიდში ოფიციალურად წარადგინეს. ალექსანდრე ახვლედიანი საზოგადოებას მამუკა ხაზარაძემ წარუდგინა.  ლელო რეგიონებში კანდიდატების წარდგენას აგრძელებს