სისხლიანი დაპირისპირება ზუგდიდში – 40 წლამდე მამაკაცი, რომელსაც თავის არეში ტრამვა აქვს მიყენებული, ზუგდიდის რეფერალურ ჰოსპიტალში სასწრაფო სამედიცინო სამსახურის ბრიგადამ შეიყვანა. როგორც ჟურნალიტებს საავადმყოფოს კლინიკურმა დირექტორმა სულხან ორჟონიამ განუცხადა, დაშავებულ პაციენტს ჩაუტარდა სასწრაფო ოპერაცია და ის მართვით სუნთქვაზე იმყოფება, ექიმის ინფორმაციით, პაციენტი არის კომატოზურ მდგომარეობაში და მისი ჯანმრთელობის მდგომარეობა მძიმეა. ორჟონია არ აკონკრეტებს თუ რა საგნით აქვს მას ჭრილობა მიყენებული, მისი თქმით, ეს გამოძიების საქმეა.
არსებული ინფორმაციით, დაპირისპირება ზუგდიდში ერთ-ერთ თხილის ქარხანაში მოხდა. ინციდენტში რამდენიმე ადამიანი მონაწილეობდა, ბოლო პერიოდში ქვეყანაში სისხლიანი დაპირისპირების, ქურდობისა და ყაჩაღობის ფაქტებმა იმატა და ეს პირველი შემთხვევა არ არის არც რეგიონში.
შსს-ს ინფორმაციით, ჯგუფური ძალადობის ფაქტზე გამოძიება სისხლის სამართლის კოდექსის 126-ე მუხლის პირველი პრიმა ნაწილის “ბ” ქვეპუნქტით მინდინარეობს.