წალენჯიხაში თხილით დატვირთული ტრაქტორი გადაბრუნდა და ხალხი ქვეშ მოიყოლა. ინციდენტის შედეგად 1 ადამიანი დაიღუპა, 5 კი დაშავდა. დაშავებულები საავადმყოფოში გადაიყვანეს. წინასწარი ინფორმაციით, თხილით დატვირთული ტრაქტორი ფერდობზე ადიოდა, რა დროსაც მას საბურავი მოძვრა და გადაბრუნდა.

უბედურ შემთხვევას და-ძმა მოლაშხიები სასწაულებრივად გადაურჩნენ. არსებული ინფორმაციით, ფიფიას ნაკვეთში თხილნარში სამუშაოდ ტრაქტორზე იჯდა რვა პირი, უმრავლესობა ქალები და ერთი ახალგაზრდა ბიჭი ლუკა მოლაშხია. რა დროსაც ტრაქტორი ამობრუნდა და რამდენიმე ადამიანი ქვეშ მოჰყვა. თხილის პლანტაციაში დაქირავებილებს დღეში 40 ლარა უხდიან.

შსს-მ გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა გულისხმობს, რამაც ადამიანის სიცოცხლის მოსპობა გამოიწვია.