ზუგდიდში ,,ნიკო კეცხოველის პრემია 2020’’ -ის ნახევარფინალური ტური ჩატარდა. ღონისძიებაზე მონაწილე სკოლებმა, სამეგრელო-ზემო სვანეთიდან და აფხაზეთიდან წარმოადგინეს კონკურსის ფარგლებში განხორციელებული აქტივობები. ჟიურიმ გამოავლინა გამარჯვებულები, რომლებიც მონაწილეობას მიიღებენ დასკვნით, ეროვნულ ტურში – ნიკო კეცხოველის სახელობის პრემიის მოსაპოვებლად. ფინალურ ეროვნულ ტურში გადავიდა სამეგრელო-ზემო სვანეთის რეგიონის 5 სკოლა: ზუგდიდის ნომერ პირველი, ლეციცხვაიეს და ხეთის საჯარო სკოლები, პრინც მიურატის სახელობის ქართულ-ფრანგული სკოლა და წმინდა ალექსი შუშანიას სახელობის მართლმადიდებლური სკოლა-გიმნაზია, აფხაზეთიდან კი ოტობაიის პირველი საჯარო სკოლა.
რეგიონული ტურის მონაწილეებმა და გამარჯვებულებმა ორგანიზატორებისგან და პარტნიორებისგან სპეციალური პრიზები მიიღეს.კონკურსის ორგანიზატორია კავკასიის გარემოსდაცვითი არასამთავრობო ორგანიზაციების ქსელი (CENN), გარემოს დაცვისა და სოფლის მეურნეობის სამინისტროსთან, განათლებისა დამეცნიერების სამინისტროსთან და საქართველოს პარლამენტთან ერთად.
სასკოლო კონკურსი ,,ნიკო კეცხოველის პრემია-2020’’ ხორციელდება ,,ტყის მდგრადი მართვა კლიმატის ცვლილების მიმართ მედეგი სოფლის განვითარებისათვის’’ პროექტის ფარგლებში ავსტრიის განვითარების თანამშრომლობა (ADC) ფინანსური მხარდაჭერით.