ზუგდიდში, საქართველოს სავაჭრო-სამრეწველო პალატის ორგანიზებით, 22 მარტს, ადგილობრივ ბიზნეს-სექტორთან შეხვედრა გაიმართება. სავაჭრო-სამრეწველო პალატის ინფორმაციით შეხვედრას საქართველოს ფინანსთა სამინისტროს შემოსავლების სამსახურის წარმომადგენლები დაესწრებიან. შეხვედრის მიზანი არის მეწარმთა ხელშეწყობის მიზნით ბიზნეს-სუბიექტების საგადასახადო სამართლის საკითხებზე ინფორმირება, რაც გაამარტივებს საგადასახადო ადმინისტრირებას გადასახადების გადამხდელთათვის. შეხვედრა კითხვა-პასუხის რეჟიმში წარიმართება და შემოსავლების სამსახურის წარმომადგენლები ადგილობრივ ბიზნეს-სექტორს მიაწვდიან ამომწურავ ინფორმაციას მოგების გადასახადის ესტონურ მოდელსა და დეკლარირებასთან დაკავშირებით. ღონისძიებაში მონაწილეობას მიიღებს ადგილობრივი მცირე და საშუალო ბიზნესის 40-მდე წარმომადგენელი სხვა და სხვა სფეროებიდან.