საფრანგეთის შინაგან საქმეთა მინისტრი, რომელიც ჟურნალისტებმა ნეპოტიზმში ამხილეს- გადადგა

საფრანგეთის შინაგან საქმეთა მინისტრი ბრუნო ლე რუ გადადგა, – იუწყება Le Figaro. დღეს საფრანგეთის ფინანსურმა პროკურატურამ ფრანგული მედიის მიერ გავრცელებული ინფორმაციის საფუძველზე წინასწარი გამოძიება დაიწყო იმის თაობაზე, რომ საფრანგეთის შინაგან საქმეთა მინისტრმა ბრუნო ლე რუმ პარლამენტარობის დროს თავისი შვილები თანაშემწეებად დაასაქმა. გუშინ ცნობილი გახდა, რომ ბრუნო ლე რუს ორი შვილი, 15 და 16 წლის ასაკში, პარლამენტში მის თანაშემწეებად დაინიშნა. საფრანგეთის შინაგან საქმეთა მინისტრის განცხადებით, მისი შვილები მასთან „ზაფხულში ან არდადეგების დროს მუშაობდნენ, მაგრამ არა სრულ განაკვეთზე“. მიუხედავად ამისა, ფრანგული მედიის ინფორმაციით, ბრუნო ლე რუს შვილებმა საერთო ჯამში 55 ათასი ევრო გამოიმუშავეს ხელფასის სახით. აღსანიშნავია, რომ მსგავსი შემთხვევის გამო „რესპუბლიკელების“ საპრეზიდენტო კანდიდატს ფრანსუა ფიიონს ბრალი დასდეს სახელმწიფო სახსრების გაფლანგვაში, როდესაც გაირკვა, რომ მას საპარლამენტო თანაშემწედ თავისი მეუღლე ფიქტიურად ჰყავდა გაფორმებული, რაშიც წლების განმავლობაში ანაზღაურების სახით 800 ათასი ევრო მიიღო.

საფრანგეთის შინაგან საქმეთა მინისტრი, რომელიც ჟურნალისტებმა ნეპოტიზმში ამხილეს- გადადგა

სიახლეები

რუსეთმა თბილისს ოკუპირებული რეგიონების რეჟიმებთან თავდაუსხმელობაზე შეთანხმებისკენ მოუწოდა

უცხო ქვეყნის 126 მოქალაქე საქართველოდან გააძევეს

რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით – საგარეო

TI- “პარტიას აფინანსებენ ისინი, ვინც შენი ჯიბიდან 17.7 მილიონს იღებს”