წალენჯიხის მუნიციპალიტეტში სტიქიამ პრობლემები შექმნა. ძლიერი გადაუღებელი წვიმის გამო, არხმა წყლის ნაკადი ვერ გაატარა, რამაც დატბორვა გამოიწვია.
მაზანდარას უბანში დაიტბორა ეზოები, თხილნარი, სიმინდის ყანები.შიდა ქუჩები, საკარმიდამო მიწის ნაკვეთები და ეზოები დაიტბორა. უხვმა ნალექმა დააზიანა ხიდ-ბოგირების ნაწილი და ჩამორეცხა შიდა საუბნო გზები. მოსახლეობის ნაწილს დაეტბორა საყანე ფართობი და თხილნარი.განსაკუთრებით მძიმე ვითარებაა სოფელ მაზანდარაში.ადგილობრივები ამბობენ, რომ მათი შემოსავლის მთავარი წყარო, ასობით კილოგრამი თხილი მოვარდნილმა წყალმა წაიღო. წალენჯიხის მოსახლეობა ხელისუფლებისგან დახმარებას ითხოვს. ადგილზე სპეციალური კომისია მუშაობს და ზარალს ითვლის.