მთავარისიახლეებიმსოფლიოდონალდ ტრამპი - ბარაქ ობამა ძალიან არაეფექტური, ძალიან საშინელი პრეზიდენტი იყო

დონალდ ტრამპი – ბარაქ ობამა ძალიან არაეფექტური, ძალიან საშინელი პრეზიდენტი იყო

Published on

შეხედეთ, რა ცუდი და არაეფექტური პრეზიდენტი იყო ის, ძალიან არაეფექტური, საშინელი პრეზიდენტი იყო, – ამის შესახებ აშშ-ის პრეზიდენტმა დონალდ ტრამპმა წინამორბედის, ბარაქ ობამას იმ სიტყვებზე კომენტირებისას განაცხადა, რომელიც ყოფილმა პრეზიდენტმა „დემოკრატების“ ყრილობის ფარგლებში უნდა წარმოთქვას.

დონალდ ტრამპის თქმით, სწორედ ბარაქ ობამას არაეფექტური პრეზიდენტობის გამო აირჩია ხალხმა ის ამერიკის პრეზიდენტად.

„პრეზიდენტმა ობამამ თავის საქმე კარგად ვერ შეასრულა, სწორედ პრეზიდენტ ობამასა და ჯო ბაიდენის გამო ვარ მე აქ. მათ ისეთი ცუდი საქმე გააკეთეს, რომ თქვენს წინაშე ვდგავარ, როგორც პრეზიდენტი,“- აღნიშნა დონალდ ტრამპმა თეთრ სახლში გამართულ პრესკონფერენციაზე.

მოგვიანებით კი აშშ-ის პრეზიდენტმა სოციალურ ქსელ „ტვიტერში“ პოსტი გამოაქვეყნა, სადაც ბარაქ ობამა და ჰილარი კლინტონი „ბრძოლის ველზე“ მიიწვია.

„კეთილი იყოს თქვენი მობრძანება ბარაქ და არაკეთილსინდისიერო ჰილარი. ბრძოლის ველზე შევხვდებით,” – წერს დონალდ ტრამპი.

ცნობისათვის, ბარაქ ობამა „დემოკრატების“ მიმდინარე ყრილობის ფარგლებში სიტყვას წარმოთქვამს. წინასწარ გავრცელებული ტექსტის მიხედვით, ობამა დონალდ ტრამპს მკაცრად გააკრიტიკებს და იტყვის, რომ დონალდ ტრამპი აშშ-ის პრეზიდენტობას ისე ეპყრობა, როგორც „რეალით შოუს”.

“მას არ გამოუჩენია ინტერესი საერთო ენის გამოსანახად, არ გამოუჩენია ინტერესი, სამსახურეობრივი ძალაუფლება ვინმეს სასარგებლოდ გამოეყენებინა გარდა საკუთარი თავისა და მეგობრებისა, არ დაინტერესებულა, პრეზიდენტობას სხვაგვარად მოქცეოდა და არა ისე, როგორც რეალით შოუს, რომლის გამოყენებაც მხოლოდ ყურადღების მისაპყრობად არის შესაძლებელი,“ -აღნიშნულია ბარაქ ობამას წარმოსათქმელი სიტყვის ტექსტის ამონარიდში.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...