ლიეტუვის საგარეო საქმეთა მინისტრი ლინას ლინკევიაჩუსი 2008 წლის რუსეთ-საქართველოს ომს ეხმაურება და აცხადებს, რომ საქართველოს ტერიტორიის 20%-ის ოკუპაცია და მცოცავი ანექსია გრძელდება.

“12 წელი გავიდა მას შემდეგ, რაც რუსეთმა, საქართველოს მიმართ, წინასწარ განზრახული აგრესია განახორციელა. სამწუხაროდ, გაკვეთილი კარგად არ იქნა აღქმული, რასაც უკრაინის წინააღმდეგ აგრესია მოჰყვა. მცოცავი ანექსია და საქართველოს ტერიტორიის 20%-ის ოკუპაცია გრძელდება. ჩვენ კიდევ ერთხელ ვადასტურებთ მტკიცე მხარდაჭერას საქართველოს სუვერენიტეტისა და ტერიტორიული მთლიანობისადმი”, – წერს ლინკევიჩუსი.

2008 წლის რუსეთ-საქართველოს ომიდან 12 წელი გავიდა. რუსული საოკუპაციო ძალების ინტერვენციების შედეგად, დაიღუპა საქართველოს 224 სამოქალაქო პირი, თავდაცვის სამინისტროს 170 მოსამსახურე და შინაგან საქმეთა სამინისტროს 14 თანამშრომელი.150 ათას ადამიანს საკუთარი საცხოვრებლის დატოვება მოუწია. მათგან ბევრი დღესაც დევნილია.