რამოდენიმე წუთის წინ ზუგდიდში, ახალგაზრდა მამაკაცმა კოსტავას ქუჩაზე მდებარე „საქართველოს ბანკის“ ფილიალის დაყაჩაღება სცადა, თუმცა სამართალდამცავებმა ის ადგილზე დააკავა. ბანკში მყოფი თვითმხილველების ცნობით, თავდამსხმელი ერთ-ერთ მოლარე ოპერატორთან მიიჭრა და სალაროში არსებული თანხა მოითხოვა. არსებული ინფორმაციით, მოლარე-ოპერატორმა განგაშის ღილაკზე ხელის დაჭერა მოახერხა. პოლიციის ცნობით, თავდამსხმელმა „საქართველოს ბანკის“ დაყაჩაღება სათამაშო იარაღით სცადა.  მომხდარ ფაქტზე გამოძიება საქართველოს სისხლის სამართლის კოდექსის 179-ე მუხლით მიმდინარეობს, რაც ყაჩაღობას (ძარცვას) გულისხმობს. ბრალის დამტკიცების შემთხვევაში დაკავებულს სასჯელის სახით თავისუფლების აღკვეთა 5-დან 7 წლამდე ვადით ემუქრება