გიორგი კვირიკაშვილი არ შეხვდა ბავშვთა სამყაროში გაჩენილი ხანძრის შედეგად დაზარალებულებს, თუმცა კი გუშინ მტკიცედ დაპირდა ამის გაკეთებას 24 საათის განმავლობაში.
მოვაჭრეები, რომელნიც ამან კიდევ ერთხელ დაარწმუნა, რომ ხელისუფლება გულგრილია მათი პრობლემების მიმართ და არათუ დახმარებას, მოსმენასაც კი გაურბის, დღეს დილიდან შეიკრიბნენ მთავრობის ადმინისტრაციასთან , სადაც მთავრობის სხდომაა დანიშნული. მათ შეზღუდული შესაძლებლობების მქონე პირთა მშობლებიც შეუერთდნენ.
მთავრობის წევრებს შენობაში ხმაურის ფონზე მოუხდათ შესვლა.
"უნდათ ბათუმი განმეორდეს? განმეორდება, უარესი განმეორდება, ჯობს გამოვიდნენ და ხალხს ყურადღება მიაქციონ," – განაცხადა აქციის ერთერთმა მონაწილემმ.
მოვაჭრეები აქციის შეწყვეტას არ აპირებენ და შიმშილობასაც განაგრძობენ.