მთავარისიახლეებიექსკლუზივიბიძინა ივანიშვილის გასაიდუმლოებული ვიზიტი ანაკლია-განმუხურში

ბიძინა ივანიშვილის გასაიდუმლოებული ვიზიტი ანაკლია-განმუხურში

Published on

ბიძინა ივანიშვილი დღეს ანაკლია-განმუხურში იმყოფებოდა. გავრცელებული ცნობით, ყოფილ პრემიერ-მინისტრთან ერთად ანაკლიაში სამეგრელო-ზემო სვანეთის გუბერნატორი ლევან შონია და გუბერნატორის ადმინისტრაციის რეგიონული პროექტების მართვის კოორდინატორი დავით კოდუა იმყოფებოდნენ. არსებული ინფორმაციით, ყოფილი პრემიერ-მინისტრი განმუხურიდან ანაკლიაში ფეხით, ხიდის საშუალებით გადავიდა. ამასთან, ბიძინა ივანიშვილმა არსებული ინფორმაციით, განმუხურის აკვაპარკი დაათვალიერა. ამ დრომდე უცნობია კონკრეტულად რატომ იმყოფებოდა ბიძინა ივანიშვილი ანაკლია-განმუხურში. ივანიშვილის მოულოდნელი ვიზიტი ჟურნალისტებისთვის გასაიდუმლოებული იყო. ტელეკომპანია ოდიშის გადამღები ჯგუფის დიდი მცდელობის მიუხედავად, ჩვენ ვერ დავაფიქსირეთ მისი ვიზიტი ანაკლიაში. ყოფილი პრემიერ-მინისტრის ანაკლიაში ვიზიტთან დაკავშირებით ჩვენ სამეგრელო-ზემო სვანეთის გუბერნატორის ადმინისტრაციის რეგიონული პროექტების მმართვის კოორდინატორს დავუკავშირდით. სატელეფონო საუბარში დავით კოდუა არც ადასტურებს და არც უარყოფს ყოფილი პრემიერის მოულოდნელ ვიზიტს სამეგრელოში. კითვაზე შეხვდა თუ არა ივანიშვილი გუბერნიის მაღალჩინოსნებს,  დავით კოდუამ გვიპასუხა, რომ „ამაზე ის პასუხს ვერ გაგვცემს“, თუმცა ადასტურებს, რომ ის ანაკლიაში დღეს იმყოფებოდა აკვაპარკის თემასთან დაკავშირებით, თუმცა აკვაპარკში ბიძინა ივანიშვილს არ შეხვედრია. დავით კოდუას განცხადებით, ანაკლიაში ის სულ სხვა საქმეებთან დაკავშირებით იმყოფებოდა, თუმცა ბიძინა ივანიშვილს არ შეხვედრია“.
ODISHINEWS ცდილობს გაარკვიოს, კონკრეტულად რას უკავშირდება ყოფილი პრემიერ-მინისტრის მოულოდნელი და დახურული ვიზიტი ანაკლია-განმუხურში. ამასთან, შევეცდებით დავუკავშირდეთ სამეგრელო-ზემო სვანეთის გუბერნატორს ლევან შონიას და მისგან გავიგოთ დეტალები.

სიახლეები

13 წლის მოზარდებმა სკოლის სტადიონზე “სნუსი” მიიღეს და შეუძლოდ გახდნენ – შემთხვევა ზუგდიდში

რამდენიმე დღის წინ, საგაკვეთილო პროცესის დასრულების შემდეგ ზუგდიდის პირველი საჯარო სკოლის სტადიონზე ფეხბურთის სათამაშოდ...

“ყოველდღე რუსული დარტყმები, დაღუპული ადამიანები – რუსეთს არ სურს ცეცხლის შეწყვეტა, ამას მთელი მსოფლიო ხედავს” – ზელენსკი კრივი რიჰზე

"რუსული რაკეტა ჩვეულებრივ ქალაქში. პირდაპირ ქუჩაში, სადაც საცხოვრებელი სახლებია. წინასწარი ინფორმაციით გამოიტენეს ბალისტიკა. ამ...

რუსების მიერ დაბომბილ კრივი რიჰში დაღუპულთა რიცხვი 19-მდე გაიზარდა, მათ შორის 9 ბავშვია

რუსების მიერ დაბომბილ კრივი რიჰში სამაშველო სამუშაოები დასრულდა. 3 აპრილს დღისით, რუსმა ოკუპანტებმა ქალაქს...

ნარკოდანაშაულის ბრალდებით თბილისში 6 პირი დააკავეს

ნარკოდანაშაულის ბრალდებით 6 პირი დააკავეს. ინფორმაციას ამის შესახებ შსს ავრცელებს. უწყების ცნობით, დიდი და განსაკუთრებით...