სანდო წყაროზე დაყრდნობით ჩვენთვის ცნობილი გახდა, რომ ზუგდიდის “ბიბლიოთეკების მართვის ცენტრის” დირექტორის მადონა მაქაცარიას და სხვა ადგილობრივ საჯარო მოხელეთა ორგანიზებით, დღეს, წალენჯიხის მუნიციპალიტეტის ერთ-ერთ რესტორანში – სავარაუდოდ ბიუჯეტის ხარჯებით – 30-მდე ყოფილი ე.წ. ზვიადისტის შეკრება მოხდა. აღსანიშნია, რომ მადონა მაქაცარია, რომელიც მოქმედი ხელისუფლების აქტიური მხარდამჭერია, გამოგონილი, ყოფილი “მხედრიონის” მხრიდან დაზარალებულთა რეაბილიტაციის საფუძვლით კრიბავს საქართველოს პირველი პრეზიდენტის თანამებრძოლებს. მსგავსი პრაქტიკა წინა არჩევნებზეც დაფიქსირდა, როდესაც ხსენებული მიზეზით ხელისუფლება ცდილობდა ამომრჩევლის ორგანიზებას მათი მოსყიდვის მიზნით სახელმწიფო ბიუჯეტის ხარჯზე.
ტელეკომპანია “ოდიში” აღნიშნულ საკითხზე აქტიურად მუშაობს და დამატებით ინფორმაციას ამ დღეებში მოგაწვდით