"მე მაინტერსებს რას ფიქრობს ქართული საზოგადოება არჩევნების მოდელის შესახებ."- გიორგი მარგველაშვილი

ქართული საზოგადოების აქტიური ჩართულობის შედეგად, ქართველ ხალხს პრეზიდენტის პირდაპირი წესით არჩევის უფლება არ წაერთვა, – ამის შესახებ საქართველოს პრეზიდენტმა გიორგი მარგველაშვილმა კონსტიტუციის განხილვასთან დაკავშირებით საერთო-სახალხო ჩართულობის უზრუნველსაყოფი კამპანიის პრეზენტაციაზე განაცხადა. როგორც პრეზიდენტმა აღნიშნა, მას საზოგადოების აზრი სხვა მრავალ საკითხთან დაკავშირებით აინტერესებს, რომელიც კონსტიტუციით უნდა დარეგულირდეს. ”საუბარი იყო პრეზიდენტის არჩევის წესის შესახებ და სწორედ ქართული საზოგადოების აქტიური ჩართულობის შედეგად ეს საკითხი გადაწყდა ისე, რომ ეს უფლება ქართველ ხალხს არ წაერთვა. მაგრამ კიდევ ბევრი საკითხია, რომელზეც მე პირადად თქვენი აზრის მოსმენა მაინტერესებს. მე მაინტეერსებს რას ფიქრობს ქართული საზოგადოება არჩევნების მოდელის შესახებ. მაინტერესებს რას ფიქრობს ქართული საზოგადოება თვითმმართველობის შესახებ. მაინტერესებს რას ფიქრობს ქართული საზოგადოება იმის თაობაზე, თუ რამდენად უფრო მეტად და რა მექანიზმებით შეიძლება, საზოგადოება ჩართული იყოს, სწორედ კონსტიტუციის მეშვეობით სახელმწიფო მმართველობის პროცესში. რამდენად და როგორ შეგვიძლია გავააქტიუროთ მაკონტროლებელი როლი საზოგადოებისა, ჩვენს პატივცემულ პოლიტიკოსებზე”, – განაცხადა გიორგი მარგველაშვილმა.

“მე მაინტერსებს რას ფიქრობს ქართული საზოგადოება არჩევნების მოდელის შესახებ.”- გიორგი მარგველაშვილი

სიახლეები

“პრაღის სამოქალაქო საზოგადოების ცენტრი” მზია ამაღლობელის დაუყოვნებლივ გათავისუფლებას მოითხოვს

კურსკში მოკლულია რუსი ბრიგადის მეთაური, პოლკოვნიკი სერგეი ილინი

გაყინული რუსული აქტივების გამოყენებით ევროკავშირმა უკრაინას $1.2 მილიარდი გადასცა