ზუგდიდში ყინულის სახლის დემონტაჟი დაიწყო. დემონტაჟს ადგილობრივი ბიუჯეტიდან გამოყოფილი თანხით ტენდერში გამარჯვებული კომპანია შპს „ტერმინალი“ ახორციელებს. დემონტაჟისთვის  214 677 ლარია გამოყოფილი. ზუგდიდის მუნიციპალიტეტს  74999,62 ლარის გადახდა უწევს შპს „ვეგა პლიუსისთვის“, რომელიც ასევე ტენდერში გამარჯვებული კომპანიაა და რომელმაც ყოფილი კომკავშირის პარკის ტერიტორიაზე ყინულის სახლის მოწყობისთვის პროექტირების ხარჯთაღრიცხვა უნდა წარმოადგინოს.

ყინულის სახლის ტერიტორია, მიუხედავად არაერთი საპროტესტო აქციისა, მერიამ  7 მილიონ 270 ათას 118 ლარად გაყიდა, ის კომპანია m2-მა იყიდა 2019 წელს, დოკუმენტაციის მიხედვით, კომპანიამ აქ 8 მილიონი დოლარის ინვესტიცია უნდა განახორციელოს. ტერიტორიაზე დაგეგმილია 80 ნომრიანი ბრენდული სასტუმროს აშენება.