ზუგდიდში სოლიდარობის აქცია - დაამსხვრიე “შუშის ჭერი” გაიმართა

,,ქალთა მოძრაობის“ ორგანიზებით თბილისში და სხვა დიდ ქალაქებში სოლიდარობის აქცია – დაამსხვრიე “შუშის ჭერი” გაიმართა.“შუშის ჭერი” – ასე უწოდებენ იმ არსებულ, მაგრამ ერთი შეხედვით უხილავ ბარიერებს, რომლებიც ხელს უშლიან ქალებს კარიერულ წინსვლაში. საქართველოში გოგონების და ქალების აკადემიური მოსწრება შესანიშნავია, სამსახურებშიც პასუხსიმგებლობით და შრომისმოყვარეობით გამოირჩევიან ქალები. მიუხედავად მათი ნიჭიერებისა და გონიერებისა, კარიერული წინსვლის მხოლოდ გარკვეულ ეტაპს აღწევენ – იკავებენ მენეჯმენტის შუალედურ რგოლს და ვეღარ წინაურდებიან. სწორედ ამ დროს ამბობენ, რომ ქალმა “შუშის ჭერს” მიაღწია და მეტად ის წინ ვეღარ წაიწევს. “შუშის ჭერი” თითქმის ყველა ქვეყნის პრობლემაა. ის არსებობს როგორც კერძო, ისე საჯარო სამსახურში, ის არსებობს პოლიტიკურ პარტიებშიც და სწორედ ამიტომ ქალთა პოლიტიკური მონაწილეობა ძალიან დაბალია საქართველოში. აქციის მონაწილეები მიმართავენ ხელისუფლებას, რომელსაც შეუძლია ამ უხილავი ბარიერების მოხსნა გენდერული კვოტების და სხვა საკანონმდებლო რეგულაციების შემოღების გზით. ასევე, ისინი მოუწოდებენ საზოგადოებას რათა მათ აღარ შეაფასონ ქალების შესაძლებლობები სტერეოტიპულად და მოუწოდებენ ქალებს, რომ მათ აქტიურად იბრძოლონ საკუთარი უფლებებისთვის და თანასწორობისთვის.რეგიონებში აქციები სამოქალაქო საზოგადოების რეგიონული ქსელის (R-CSN) მხარდაჭერით იმართება, რომლის ფასილიტაციასაც ,,სიდა" ახორციელებს.აქციები იმართება შემდეგ ქალაქებში: თბილისი, რუსთავი, მცხეთა, გორი, თელავი, ქუთაისი, ზუგდიდი, სენაკი.

ზუგდიდში სოლიდარობის აქცია – დაამსხვრიე “შუშის ჭერი” გაიმართა

სიახლეები

ბოჭორიშვილი- EU-ში ხშირად ატარებენ შეხვედრებს, იმისთვის რომ საქართველო არ მიიწვიონ

საიამ სტრასბურგში რუსეთის წინააღმდეგ ანწუხელიძისა და სხვა სამხედროების საქმეები მოიგო

“დროა”-ელენე ხოშტარიას ჯანმრთელობის მდგომარეობა კიდევ უფრო გაუარესდა

უკრაინის იერიშების გამო რუსეთი საწვავის იმპორტსა და მის სუბსიდირებას განიხილავს