ევროპული საქართველოს” ლიდერი გიგა ბოკერია პრემიერ მინისტრს დაუპირისპირდა. მან პრემიერს მისი განცხადება შეახსენა, სადაც გახარია ირწმუნება, რომ “ფრენებს გახსნის”, თუმცა პარალელურად ფინანსთან მინისტრი აცხადებს, რომ სახელმწიფოს “ფრენების გახსნა” არ უღირს, ამიტომ ჯერჯერობით მოსალოდნელი არაა.
„ბატონო გიორგი გავხსნით ფრენებსო და ახლა ფინანსთა მინისტრის კომენტარია, რომ არ გვიღირს და იმიტომ არ ვხსნითო. დაგვცინით ყველას თუ რა ხდება, ვერ გავიგე. ხალხს არ სჭირდება ფრენა? ტურიზმს, ეკონომიკის ამოქაჩვას? მართლა ასე ფეხებზე უნდა გეკიდოთ? თუ სისულელე თქვა ეკონომიკის მინისტრმა და ადმინისტრაციის უფროსმა, მაშინ გვითხარით. თუ თქვენ გვატყუებდით ახლა?
გადასახადებს რაც შეეხება, საშემოსავლოს ხალხს შეუმცირებთ? თუ ეგ საშემოსავლო ხალხისთვის ტვირთი არ არის? და ბოლოს გავრილოვზე. ერთხელ მაინც გვითხარით, დაფიცებული გაქვთ ხატზე? თუ რატომ არ შეგიძლიათ თქვათ, რომ ხვალ საქართელოს მტერს ქვეყანაში არ შემოუშვებთ. რაც შეეხება მორალს 20 ივნისის ამბებზე შემდეგ გამოსვლაში მოგახსენებთ და ჩვენთვის ბოდიშის მოხდას გაიძულებთ. ისე მინდა გითხრათ, რომ მარტო მორალში არა, გონებრივ შესაძლებლობებშიც განსხვავებაა ჩვენს შორის“, – მიმართა ბოკერიამ პრემიერს.