„მინდა, გაცნობით ძალიან მაგარი ახალი ამბავი – საქმე "რუსთავი2 საქართველოს წინააღმდეგ" შევიდა ევროპის მართლმსაჯულების ისტორიაში. ჩვენი მოთხოვნა დროებითი ღონისძიების გაგრძელების შესახებ ერთხმად და უვადოდ იქნა დაკმაყოფილებული,“ – განაცხადა სამაუწყებლო კომპანია რუსთავი2-ის გენერალურმა დირექტორმა, ნიკა გვარამიამ ბრიფინგზე, რომელიც ტელეკომპანიის იურისტების მიერ ევროსასამართლოს დღევანდელი გადაწყვეტილების შესახებ ინფორმაციის მიღებიდან რამდენიმე წუთში გაიმათა რუსთავი 2 – ში. 

 

ნიკა გვარამიამ  მადლობა გადაუხადა რუსთავი2-ის გუნდსა და საზოგადოებას – არასამთავრობო სექტორს, მედიის წარმომადგენლებსა და პოლიტიკოსებს  და პირველ რიგში მაყურებელს  დაურალავი მხარდაჭერისთვის . „ერთხმად მხარდაჭერამ მოიტანა ის, რომ დღეს ევროპამ ჩვენ გადაგვარჩინა – აღნიშნა მან.

 

 

„რუსთავი2 ჩვენია, მეგობრებო, ყველა იმ ადამიანის, რომელიც აქ ვართ. მე მინდა, მადლობა ვუთხრა, პირველ რიგში, რუსთავი2-ის ნამდვილად გმირულ გუნდს, რომელიც ყველაფერს აკეთებს არა იმიტომ, რომ თავი შეინარჩუნოს აქ და ხელფასები აიღოს, არამედ იმიტომ, რომ თქვენ გამცნოთ თავისუფალი სიტყვა და თქვენ გამყოფოთ საქმის კურსში, თუ რა ხდება ქვეყანაში," – განაცხადა ნიკა გვარამიამ.