საქართველოს პრეზიდენტი, სალომე ზურაბიშვილი19 წლის ფეხბურთელის დაღუპვის ამბავს ეხმაურება და წერს, რომ ქვეყანაში ახალგაზრდებს შორის ერთმანეთის სასიკვდილოდ გამეტება აღარ დასრულდა. ამ თემაზე პოსტი მან საკუთარ ფეისბუქზე გამოაქვეყნა და ოჯახს მიუსამძიმრა.
“ვუსამძიმრებ გიორგი შაქარაშვილის ოჯახს და გამოვთქვამ დიდ მწუხარებას. ამ ქვეყანაში რომ აღარ დასრულდა ახალგაზრდათა შორის ერთმანეთის სასიკვდილოდ გამეტება, ეს ჩვენი ქვეყნის დიდი ტრაგედიაა!” — წერს სალომე ზურაბიშვილი.
სახალხო დამცველი, ნინო ლომჯარიას განცხადება 19 წლის ფეხბურთელის დაღუპვის ამბავთან დაკავშირებით კარგად განმარტავს, რას და რატომ ეწირებიან ახალგაზრდები – მისი თქმით, ამის მიზეზია ის, რომ , რომ ქუჩური გარჩევები დაბრუნდა.
“ძალიან მძიმე მოსასმენია 19 წლის ფეხბურთელის დაღუპვის ამბავი… ვუსამძიმრებ გარდაცვლილის ოჯახის წევრებს და ახლობლებს. სამწუხაროდ, კრიმინალურ მენტალიტეტს, ქუჩურ-უბნურ გარჩევებს ახალგაზრდების სიცოცხლე ისევ ეწირება. მნიშვნელოვანია გამოძიება დროულად, ობიექტურად და სრულყოფილად წარიმართოს და ყველამ, ვინც შესაძლოა ფლობდეს ინფორმაციას საქმისთვის მნიშვნელოვანი გარემოებების თაობაზე, ითანამშრომლოს გამოძიებასთან”.