ქართული ოცნების მიერ დაქირავებული ლობისტური კომპანიის წერილს, რომლითაც მათ რესპუბლიკელ კონგრესმენებს მიმართეს ოპოზიცია ეხმაურება.
“ამ წერილით კიდევ უფრო შეილახაჩვენი ქვეყნის იმიჯი, რაც რაც ძალიან სამწუხარო და დამაზიანებელია როგორც სახელმწიფოსთვის, ასევე ჩვენი სტრატეგიული ინტერესებისთვის“ – ასე აფასებს ფრაქცია „ერთიანი ნაციონალური მოძრაობის“ თავმჯდომარის მაოდგილე სალომე სამადაშვილი ლობისტების წერილს.
„ეს წერილი სახელმწიფოს ინტერესებს არ ეხება, ეს ეხება ივანიშვილის ინტერესებს. ოცნების ლობისტების საქმიანობა რომ სახელმწიფოს ინტერესებს უკავშირდებოდეს, ჯერ კიდევ ამ ანგარიშის მომზადების პირობებში უნდა ემუშავათ მათ იმისთვის, რომ ამ დოკუმენტში ჩვენი სახელმწიფოსთვის მნიშვნელოვანი საკითხები ასახულიყო. მმართველმა პარტიამ ლობისტების დახმარება მხოლოდ მას შემდეგ გადაწყვიტა, როცა დოკუმენტის შინაარსი უშუალოდ ბიძინა ივანიშვილს შეეხო და მას ეს არ მოეწონა. ახლა მთელი რესურსები მიმართულია იმისკენ, რომ ბიძინა ივანიშვილზე ჩანაწერი გადაიხედოს“ – აღნიშნავს, სამადაშვილი და დასძენს, რომ მსგავსი ქმედება სახელმწიფოს ინტერესებს აზიანებს.
“პარტია ქართული ოცნებაცა და ხელისუფლებაც მილიონობით ლარს ხარჯავს აშშ-ში და ვხედავთ, რომ ამას მხოლოდ და მხოლოდ პერსონა ივანიშვილის სახელის დასაცავად და იმ ფუნდამენტური პრობლემების დასამალად აკეთებს, რაც ქვეყნის შიგნით არის და რასაც ძალიან ცხადად და კარგად ხედავენ ჩვენი პარტნიორები აშშ-ში.
მწვავე და ფუნდამენტური პრობლემების არსებობის პირობებში სცადო, რომ კონგრესმენებს მოსაზრება ცარიელი ფურცლებითა და ქაღალდებით შეუცვალო, ფუჭი ფლანგვაა, როგორც ფინანსების, ასევე დროის რესურსების. რაც მთავარია, ეს აჩვენებს, რომ ქართულმა ოცნებამ სრულად ამოწურა ხელისუფლებაში ყოფნის რესურსი”. – ამბობს პარტია,,ევროპული საქართველოს” წარმომადგენელი ირაკლი აბესაძე.
ცნობისთვის, მმართველი პარტიის განცხადება შეერთებული შტატები იუსტიციის სამინსიტროს საერთაშორისო ლობიზმის რეგულირების სააგენტომ გაასააჯაროვა. ეს არის 13 კონგრესმენის მიერ მომზადებულ დოკუმენტზე პასუხი, სადაც ივნიშვილისა და რუსეთის კავშირებზე იყო საუბარი.