# 1 სამუსიკო სკოლის მოსწავლეებმა დედის დღისადმი მიძღვნილი ღონისძიება გამართეს.

ქალაქ ზუგდიდის # 1 სამუსიკო სკოლის საფორტეპიანო და საორკესტრო განყოფილების მოსწავლეებმა არტ-გალერეაში დედის დღისადმი მიძღვნილი ღონისძიება გამართეს. წამყვანებმა ელისაბედ ქობალიამ და ლუკა ნადარაიამ შემოქმედებითი თვალსაზრისით ნაყოფიერი, – მდიდარი და მრავალფეროვანი საღამო კიდევ უფრო საინტერესო გახადეს. კონცერტზე სამუსიკო სკოლის აღსაზრდელებმა სხვადასხვა კომპოზიტორის კლასიკური ნაწარმოებები შეასრულეს და დარბაზში მსხდომთა აპლოდისმენტებიც დაიმსახურეს. #1 სამუსიკო სკოლის დირექტორმა მზია მატკავამ, რომელმაც სხვა პედაგოგებთან ერთად უამრავი მილოცვა და ყვავილები მიიღო, მოსწავლეებს საკუთარი შესაძლებლობების წარმოჩენისათვის და სასიამოვნო განწყობის შექმნისთვის მადლობა გადაუხადა და დედებს გაზაფხულის ეს ლამაზი დღე მიულოცა. სამუსიკო სკოლის მოსწავლეები ხშირად ანებივრებენ მსმენელსა თუ მაყურებელს კლასიკური მუსიკის კონცერტებით. არტ-გალერეაში ჩატარებულმა ღონისძიებამ კი კიდევ ერთხელ ცხადყო, რომ მუსიკა მართლაც სულის ჰარმონიაა და საოცრად უხდება გაზაფხულის დღესასწაულებს.

# 1 სამუსიკო სკოლის მოსწავლეებმა დედის დღისადმი მიძღვნილი ღონისძიება გამართეს.

სიახლეები

მოცვისა და თხილის მეურნეობების გამოწვევები – როგორ ჭრის ამ პრობლემებს Atens-ის ბიოპროდუქტები

NGO-ები-წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

კორუფცია ხელისუფლების ზედა ეშელონებში აღმოფხვრილი და დამარცხებულია – კობახიძე

საიამ სტრასბურგში ამაღლობელის პოლიტიკური ბრალდების საქმეზე საჩივარი წარადგინა