22 დაღუპული, ორი დაკარგული, ათასობით დაზარალებული – 13 ივნისის ტრაგედიიდან ხუთი წელი გავიდა. ბოლო პერიოდის უპრეცედენტო მასშტაბის სტიქიამ საცხოვრებელი სახლები და ინფრასტრუქტურა დააზიანა. მთლიანად დაიტბორა “მზიური” და ზოოპარკი, სადაც სამი თანამშრომელი დაიღუპა და ბინადართა ნაწილი დაიხოცა. ტრაგედიასთან ერთად, ეს დღე ერთიანობისა და სოლიდარობის სიმბოლოდ იქცა. მოხალისეებმა სტიქიის შედეგებთან გამკლავება ერთიანი ძალებით დაიწყეს.
დღეს, დედაქალაქში იმ ადამიანებს მოიგონებენ, ვისი სიცოცხლეც 13 ივნისს დასრულდა.