ანაკლია-განმუხურის კარანტინის სივრცეში ამ დროისთვის 77 პირი იმყოფება. რაც შეეხება თვითიზოლაციას, რეგიონში ამ დროის მონაცემებით, 37 პირია თვითიზოლაციაში. სულ ეპიდზედამხედველობა დამყარდა 1774 მოქალაქეზე. ინფორმაციას სამეგრელო-ზემო სვანეთის სამხარეო ადმინისტრაცია ავრცელებს.
ასევე გუშინ, ზუგდიდის ინფექციური საავადმყოფოს ლაბორატორიაში გამოიკვლიეს 56 ნიმუში, აქედან ორი იყო რუხში მყოფი კოვიდინფიცირებული პაციენტი, ერთს დადებითი აღმოაჩნდა და გააგრძელებს ჩვეულებრივ მკურნალობას, მეორეს კი უარყოფითი პასუხი აქვს, რომელიც ხელახლა გაიტესტება და თუ მეორე შემთხვევაშიც უარყოფითს აჩვენებს საავადმყოფოდან გაწერენ. საზოგადოებრივი ჯანმრთელობის ეროვნული ცენტრის სამეგრელო–ზემო სვანეთის განყოფილების მიერ დღეს რეგიონის სხვადასხვა მუნიციპალიტეტებში დამატებით ბიოლოგიური მასალების აღება მოხდება.