პრემიერმინისტრი, გიორგი გახარიას თქმით, ყველა ჩინოვნიკი უნდა მიეჩვიოს იმას, რომ სახელმწიფო სამსახურში შემოსავალი აკლდება.

იგი განმარტავს თავის დეკლარაციაში 2015 წლიდან ქონების კლებას და ამბობს, რომ რაღაც ნაწილში თავადაც “ღარიბდება”.

“ქონებრივი დეკლარაცია არის უკიდურესად მნიშვნელოვანი დოკუმენტი, რომელიც შევსებულია დეტალურად და იქ არის ყველაფერი დაცული. რაღაც მეც გავყიდე, რაღაც ნაწილში მეც ვღარიბდები და ყველა ჩინოვნიკი უნდა მიეჩვიოს იმას, რომ სახელმწიფო სამსახურში რომ მოდის, უბრალოდ შემოსავალი აკლდება. რა გინდათ, მოგიყვეთ ჩემს წინა ცხოვრებაში შემოსავლები რამდენი მქონდა?” — გახარიამ.

გახარიას თქმით, ის შემოსავლის კლებისთვის მზად იყო, რადგან ქვეყნის სამსახურშია.

“მე ამისთვის ყოველთვის მზად ვიყავი, იმიტომ, რომ ვემსახურები ამ ქვეყანას. რაც შეეხება კითხვას, მოსახლეობა გაღარიბდა თუ არა, მოსახლება არა. მოსახლეობას უჭირს, რა თქმა უნდა, და ამას არავინ უარყოფს”, — განაცხადა გახარიამ.

რაც შეეხება თავდაცვის მინისტრ, ირაკლი ღარიბაშვილს, რადიო თავისუფლების  ჟურნალისტური გამოძიების მიხედვით, მას ნახევარ მილიონზე მეტი ღირებულების საათების კოლექცია აქვს, რომელიც ქონებრივ დეკლარაციაში ასახული არაა, რაც ქონების დამალვასა და კანონის დარღვევას ნიშნავს.

მათივე ინფორმაციით, ღარიბაშვილის საათების ღირებულება უფრო მეტია, ვიდრე მისი შემოსავალი 7 წელში. 2012-2019 წლებში მისი ჯამური შემოსავალი 500 ათასი ლარი იყო, რაც საათების ღირებულებაზე 100 ათასი ლარით ნაკლებია

რადიო თავისუფლების ცნობით, ღარიბაშვილი და მისი ცოლი სხვადასხვა დროს ატარებდნენ 8 საათს, თითოეულის ფასი 18-დან 300 ათას ლარამდე მერყეობს.

ჯარისკაცები კი ლანჩა გამძვრალი ფეხსაცმელით დადიან…