ენმ-მა რეგიონულ კონფერენციაზე პოლიტსაბჭოს წევრები ხმაურის ფონზე აირჩია

ხმაური, დაპირისპირება და შეხლა-შემოხლა – ეს ნაციონალური მოძრაობის ზუგდიდის ორგანიზაციაში ხდებოდა დღეს, სადაც რეგიონალური დელეგატები უნდა აერჩიათ. შეხვედრა, რომელიც მედიისთვის დახურული იყო, დაახლოებით 5 საათის განმავლობაში გრძელდებოდა. კონფერენციაზე ხმაური და დაპირისპირება მას შემდეგ ამოიწურა, როდესაც „ერთიანი ნაციონალური მოძრაობის“ ლიდერები გამოჩდნენ. პეტრე ცისკარიშვილი, ლევან ბეჟაშვილი, ხატია დეკანოიძე და სამირა ისმაილოვა ზუგდიდში კონფერენციის დასასწრებად ჩამოვიდნენ. მედიასთან კომენტარი მათ შეხვედრის დასრულების შემდეგ გააკეთეს. პეტრე ცისკარიშვილის განცხადებით, აზრთა სხვადასხვაობის, კონკურენციისა და ემოციების მიუხედავად კონფერენცია შედგა, სადაც პოლიტსაბჭოს ახალი წევრები აირჩიეს. დღევანდელ კონფერენციაზე დამსწრეებს სკაიპით ქვეყნის ექს-პრეზიდენტმაც მიმართა. როგორც ნაციონალური მოძრაობის ლიდერებმა განაცხადეს, მიხეილ სააკაშვილმა დელეგატებს მადლობა გადაუხადა და პარტიის სამომავლო გეგმებზე ისაუბრა. აღნიშნული მიმართვის კადრების გადაღება მედიასაშულებებს წარმომადგენლებს შეხვედრის დახურვის მიზეზით არ მიეცათ. საბოლოოდ, რეგიონულ კონფერენციაზე სულ 8 პოლიტსაბჭოს წევრი აირჩიეს. ზუგდიდიდან აირჩიეს ალექსანდრე ქობალია და ლევან კონჯარია, ხობიდან ია ჯიშკარიანი, მარტვილიდან ზაალ გოროზია. ჩხოროწყუდან რამაზ გულუა, წალენჯიხიდან ავთანდილ გაბელია, ფოთიდან დარეჯან ცხვიტარია. სენაკიდან ლაშა კუჭავა.

ენმ-მა რეგიონულ კონფერენციაზე პოლიტსაბჭოს წევრები ხმაურის ფონზე აირჩია

სიახლეები

მოცვისა და თხილის მეურნეობების გამოწვევები – როგორ ჭრის ამ პრობლემებს Atens-ის ბიოპროდუქტები

NGO-ები-წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

კორუფცია ხელისუფლების ზედა ეშელონებში აღმოფხვრილი და დამარცხებულია – კობახიძე

საიამ სტრასბურგში ამაღლობელის პოლიტიკური ბრალდების საქმეზე საჩივარი წარადგინა