პრემიერმინისტრი გიორგი გახარია საპარლამენტო ინტერპელაციის ფარგლებში დეპუტატების შეკითხვებს პასუხობს. და არ ღალატობს სტილს, რომელიც გუშინწინდელ ანგარიშსა და ბევრ სხვა გამოსვლაში აქვს აპრობირებული.
,,თავდაჯერებულობა ნამდვილად ცუდი არ არის და უნდა ჰქონდეს, ბუნებრივია, მთავრობის მეთაურს, მაგრამ ამას საფუძველიც უნდა ჰქონდეს. – განუცხადა მას ევროპული საქართველოს დეპუტატმა გიგი წერეთელმა დღეს, პარლამენტში სიტყვით გამოსვლის დროს
,, მთელი ამ დროის განმავლობაში ჩვენც და თქვენც მათ შორის, ვსაუბრობდით, რომ ორ ფრონტზე მიდის ბრძოლა: ერთი ეს არის ჯანდაცვის ნაწილი, მეორე – ეკონომიკური ნაწილი.
დიდი მადლობა იმ ადამიანებს, ვინც წვლილი შეიტანა, რომ ვირუსის გავრცელება არ გვაქვს, მაგრამ მეორე ნაწილში არ მგონია, რომ რამე სატრაბახოა, პირიქით, ძალიან მძიმე მდგომარეობაში არიან ჩვენი მოქალაქეები.
პრემიერისგან საზოგადოებაც და ოპოზიციაც ელოდება რომ კონკრეტულად ისაუბროთ იმ რიცხვებზე, იმ პროგრამებზე, რომლებიც ადამიანების უმძიმეს ყოფას გააუმჯობესებს” – განაცხადა გგი წერეთელმა