პარლამენტში პრემიერ-მინისტრის მოსმენა დაიწყო. გიორგი გახარია “ნაციონალური მოძრაობისა” და “ევროპული საქართველოს” ფრაქციებმა ინტერპელაციის წესით დაიბარეს.
პასუხი ერთერთი პირველ კითხვაზე ხლისუფლების მიერ თვითდასაქმებულთა ინტერესების იგნორირების თუ დაზარალების შესახებ დაუსვეს გიორგი გახარიამ “ნაციონალური მოძრაობის” მიმართ ბრალდებებით დაიწყო
„უბრალოდ, არ ვიცი, რა სიტყვებით შეიძლება შევაფასო, როდესაც დღეს ქვეყანა რეალურად იბრძვის მოქალაქეებთან, საზოგადოებასთან ერთად ორ ძირითადად მიმართულებაზე, ორ ფრონტზე ფაქტობრივად – გადავარჩინოთ მოქალაქეების სიცოცხლე და ადამიანს გადავურჩინოთ ელემენტარული შემოსავალი, სახლში შესატანი შემოსავალი, დღეს მედავებიან იმას, თან ტყუილებით, რომ თვითდასაქმებულებს ზედმეტი საბუთები მოვთხოვეთ, რათა სოციალური დახმარება გაგვეწია. 2012 წლამდე თვითდასაქმებულის მცნება საერთოდ არავის აინტერესებდა, წინა ხელისუფლების პერიოდში თვითდასაქმებულები საერთოდ არ აღირიცხებოდნენ – განაცხადა პრემიერმა.
თქვენ ის კი არ გაინტერესებთ, რა უნდა გავაკეთოთ, რომ აღარ იყოს პენსიონერების, ბავშვების სიღარიბე, რომელიც მართლა არის, თქვენ ის გაინტერესებთ, კვირიკაშვილი რატომ მოხსნეს – წარსულში ცხოვრობთ და დარჩებით იქ, – ასე მიმართა პრემიერ-მინისტრმა ფრაქცია “ნაციონალური მოძრაობის” თავმჯდომარეს რომან გოცირიძეს, რომელმაც პარლამენტში ინტერპელაციის წესით მისულ მთავრობის მეთაურს რამდენიმე კითხვა დაუსვა.
“თქვენ მიერ მოწოდებული ინფორმაცია არის სიცრუე. თქვენ აქ მოგვაწოდეთ რაღაც დოკუმენტები. იცით თუ არა, რატომ გაათავისუფლეს თქვენი წინამორბედი კვირიკაშვილი? რატომ მოხსნა ივანიშვილმა კვირიკაშვილი? იმიტომ მოხსნა, რომ გაეროს მსოფლიო ფონდის კვლევის მიხედვით, საქართველოში გაიზარდა უკიდურესი სიღარიბე, მოსახლეობის ყველა კატეგორიაში. ბავშვთა სიღარიბე, პენსიონერთა სიღარიბე და საერთო სიღარიბე. ამის გამო მოხსნეს, ასე ამბობენ, სინამდვილეში სხვა რამის გამო მოხსნეს და თქვენც მოგხსნით მალე,” – ასე მიმართა რომან გოცირიძემ პრემიერ გახარიას, რასაც გახარიამ უპასუხა, რომ ეს იყო დემაგოგია.