ოკუპირებულ აფხაზეთში ეპიდსიტუაციის გამო დაწესებული შეზღუდვები 15 ივნისამდე გახანგრძლივდება. დე ფაქტო ხელისუფლების ინფორმაციით, ისევ აკრძალული იქნება მასობრივი შეკრებები და აქტივობები, კვლავ შეუძლებელი იქნება ოკუპირებულ რეგიონში შესვლაც.
გამონაკლისის სახით გამოცდებისთვის მოსამზადებლად 2 ივნისიდან სასწავლო პროცესი აღდგება დამამთავრებელი კლასების მოსწავლეებისა და სტუდენტებისთვის.
გასულ დღე-ღამეში ოკუპირებულ აფხაზეთში კორონავირუსზე ტესტი 38 ადამიანს ჩაუტარდა, მათგან ვირუსი არცერთს არ დაუდასტურდა. ეპიდემიის დაწყებიდან დღემდე ტერიტორიაზე COVID-19-ის 28 შემთხვევა ფიქსირდება, მათგან 17 პაციენტი გამოჯანმრთელდა, ერთი კი გარდაიცვალა.