მთავარი არხის” ინფომაციით, ჭიათურის პერევისას მაღაროში დასაქმებულმა მუშამ მაღაროს ცვლის უფროსს ცივი იარაღით მრავლობითი ჭრილობა მიაყენა და შემთხვევის ადგილიდან მიიმალა.. მოგვიანებით ის პოლიციამ დააკავა. დაკავებული საჩხერის პოლიციის შენობაში გადაიყვანეს, სადაც მან პოლიციის თანამშრომელს, არსებული ინფორმაციით, პოლიციის უფროსს აგინა და სასტიკად სცემა თავისივე კაბინეტში.
შემთხვევა გუშინ მოხდა.
ჭიათურის პროფკავშირების უფროსის ინფორმაციით, დაპირისპირება სავარაუდოდ სოციალურ ნიადაგზე მოხდა.
მაღაროების რამდენიმეთვიანი გაჩერების გამო, თანამშრომლები გაათავისუფლეს, რაც უკმაყოფილების მიზეზი გახდა.
შსს -ს ცნობით, დაკავებულს გამოძიება პოლიციელზე თავდასხმასა და განზრახ მკვლელობის მცდელობას ედავება.
“თავისი ცვლის უფროსი დაჭრა, როგორც ირკვევა ეს სამუშაო პროცესის მიმდინარეობისას არ მომხდარა. სახლში ისვენებდა ბრალდებული, შემდეგ მაღაროში ასულა, ხმაური არავის გაუგონია, მისულა და დაუჭრია,”- აცხადებს ადგილობრივი.
თანამშრომლის მიერ დაჭრილი მაღაროს ცვლის უფროსი ხვიჩა ცაცვიძე კი ჭიათურაში, ” ჯეო ჰოსპიტალის” კლინიკაშია მოთავსებული. მას ცივი იარაღით ოთხი ჭრილობა აქვს მიყენებული. ჩაუტარდა შესაბამისი მკურნალობა და მისი მდგომარეობა დამაკმაყოფილებელია.
“მას ჰქონდა მუცლის წინა კედლის ჭრილობა, მაგრამ შინაგანი ორგანოების დაზიანება არ აღენიშნებოდა. ჭრილობებში ჩატარდა რევიზია და პაციენტი კლინიკური მეთვალყურეობის ქვეშ მოთავსდა. ამჟამად მისი მდგომარეობა დამაკმაყოფილებელია,”- განაცხადა ექიმმა ზაზა კახნიაშვილმა.