მთავარისიახლეებიპოლიტიკანიკა მელია მოუწოდებს ქართული ოცნების წევრებს ისტორიის სწორ მხარეზე გადავიდნენ და ბიძინა...

ნიკა მელია მოუწოდებს ქართული ოცნების წევრებს ისტორიის სწორ მხარეზე გადავიდნენ და ბიძინა ივანიშვილს ზურგი აქციონ

Published on

ოპოზიციური პარტია “ერთიანი ნაციონალური მოძრაობის” ლიდერი ნიკა მელია აცხადებს, რომ პრეზიდენტის მიერ გიგი უგულავასა და ირაკლი ოქრუაშვილის შეწყალება კარგია ქვეყნის განვითარებისთვის:

“დარწმუნებული ვიყავით ყველანი, რომ უახლოეს დღეებში ისინი შეიწყალებდნენ პოლიტიკურ პატიმრებს და კიდევ შეიწყალებენ დანარჩენებს. ამიტომ დღეს მე არ ვაპირებ, ნიშანი მოვუგო ხელისუფლებას, უბრალოდ ყველანი ვხვდებით, რომ ქალბატონი სალომე ზურაბიშვილი დამოუკიდებლად არანაირ გადაწყვეტილებას არ მიიღებდა”.

ნიკა მელიას განცხადებით, ისტორიის ჩარხი წაღმა დატრიალდა და მიუხედავად იმისა, რომ გამარჯვება მიღწეულია, მთავარი გამარჯვება მაინც წინ არის.

პრეზიდენტის მიერ გიგი უგულავასა და ირაკლი ოქრუაშვილის შეწყალების ფაქტისა და ამ ფაქტზე საერთაშორისო გამოხმაურებების, კერძოდ,  სენატორების წერილის კომენტირებისას მან „ქართული ოცნების“ წევრებს მიმართა: ამერიკელი სენატორები, რომლებიც მაშინ, როცა თქვენ გძინავთ, მუშაობენ და გწერენ კონკრეტული სახელის და გვარის მითითებით და არა ზოგადი ტერმინით – პოლიტპატიმრებით, ისინი აღარ გენდობიან. ამიტომ, ძალიან გთხოვთ, ნუღარ შეხვალთ პაექრობაში, ეს ძალიან ცუდად გამოიყურება, გაათავისუფლეთ გიორგი რურუა“,

მან მოუწოდა ოცნების წევრებს ისტორიის სწორ მხარეზე გადავიდნენ და ბიძინა ივანიშვილს ზურგი აქციონ:

„ძვირფასო „ქართული ოცნების“ წევრებო, ზუსტად ასე გაქცევთ ბიძინა ივანიშვილი ზურგს, როგორც გუშინ გაქციათ ზურგი, ზუსტად ასე მოგატყუებთ, როგორც გატყუებდათ ამ დღეების განმავლობაში, რომ პოლიტიკური პატიმრები არ არსებობდნენ, რომ პოლიტიკურ პატიმრებზე საუბარიც კი უზნეობაა, საბოლოო ჯამში, ასევე შეგაწმენდთ ხელს. ასე რომ, სანამ დროა, არასოდეს არის გვიან, გადმოხვიდეთ ისტორიის სწორ მხარეს. თქვენ მგონი უკვე თავად უნდა აქციოთ ზურგი ბიძინა ივანიშვილს“, – მიმართა ნიკა მელიამ „ქართული ოცნების“ წევრებს.

მისივე თქმით, რომ არა ოპოზიციის ერთსულოვნება, „ქართულ ოცნებაზე“ ზეწოლა და საერთაშორისო გამოხმაურება პოლიტპატიმრების გათავისუფლებასთან დაკავშირებით ასეთი მკვეთრი და მძაფრი ვერ იქნებოდა.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...